I
ზმნების ფუძეთაგან აწარმოებს არსებით სახელებს, რომლებიც აღნიშნავენ
1. პირს 1) მისი პროფესიის ან საქმიანობის მიხედვით: baker პურის მცხობელი, ხაბაზი; მეფუნთუშე; joiner დურგალი; painter მხატვარი, ფერმწერი; singer მომღერალი;
2) მისთვის დამახასიათებელი, ჩვეული მოქმედების მიხედვით: giggler კისკისა, ვინც მუდამ კისკისებს; sleeper ძილისგუდა, ვისაც სულ ეძინება;
3) საუბრის მომენტისათვის მის მიერ შესრულებული მოქმედების ან მისი მდგომარეობის მიხედვით: bather მობანავე; laugher ვინც იცინის; sitter მჯდომარე, ვინც ზის;
2. საგანს, ნივთს, ინსტრუმენტს და ა.შ. : boiler ბოილერი, ორთქლის ქვაბი; cracker კრეკერი, ფხვიერი ნამცხვარი; drawer უჯრა (მაგიდისა, კომოდისა და მისთ.); fighter გამანადგურებელი (თვითმფრინავი); receiver ტელეფონის ყურმილი;
II
გვხვდება არსებით სახელებში, რომლებიც ნაწარმოებია:
1. არსებითი სახელების ფუძეთაგან და აღნიშნავენ 1) პირს მისი პროფესიის ან საქმიანობის მიხედვით: gardener მებაღე; glover მეხელთათმნე, ხელთათმნის მკერავი; hatter მექუდე; jeweller ოქრომჭედელი, იუველირი;
2) პირს, რომელსაც ამა თუ იმ ფორმის კავშირი აქვს ფუძით აღნიშნულ საგანთან: lunger ტუბერკულოზით დაავადებული ადამიანი; prisoner პატიმარი;
3) მოქმედებას: facer სახეში ჩარტყმა / დარტყმა; header თავური დარტყმა, თავური (ფეხბურთი);
2. რიცხვითი სახელების ფუძეთაგან და აღნიშნავენ პირს ან საგანს: fiver ხუთგირვანქასტერლინგიანი ან ხუთდოლარიანი ბანკნოტი; fifteeners and sixteeners თხუთმეტ-თექვსმეტი წლის ბიჭები; forty-niner ამერ. საუბ. ოქროს მაძიებელი; oner სლ. იშვიათი ადამიანი / ნივთი;
III
აწარმოებს რთულ სიტყვებს, რომლებიც აღნიშნავენ
1. პირს: machine-gunner მეტყვიამფრქვევე; first-nighter ვინც ყოველთვის ესწრება თეატრალურ პრემიერებს; full-timer სრული განაკვეთით მომუშავე თანამშრომელი; pearl-fisher მარგალიტის მაძიებელი; six-footer ექვსი ფუტის სიმაღლის ადამიანი;
2. სხვადასხვა დანიშნულების ნივთს ან საგანს: minethrower ნაღმსატყორცნი; sky-scraper ცათამბჯენი; two-seater ორადგილიანი ავტომანქანა; six-pager ექვსგვერდიანი გაზეთი; two-pounder ორგირვანქიანი თევზი (ჩვეულ. კალმახი).
მეზობელი სიტყვები
