1. 1) გზის დაბნევა (˂და˃ებნევა) / არევა, გზას აცდენა, საიდანმე წასვლა და დაკარგვა; dog owners are urged not to allow their dogs to stray ძაღლების მფლობელებს დაბეჯითებით სთხოვენ, ყურადღება მიაქციონ, რომ მათი ძაღლები არ დაიკარგონ; they got lost when they strayed too far from the footpath მათ გზა დაებნათ, როდესაც ბილიკს მეტისმეტად დიდი მანძილით მოშორდნენ; the ship strayed off course during the storm ქარიშხლის დროს გემი კურსს ასცდა;
2) შემთხვევით სადმე შესვლა (შევა) / მისვლა, სადმე შეხეტება; უნებლიეთ სადმე თავის ამოყოფა; the military arrested anyone who strayed into the exclusion zone სამხედროები აპატიმრებდნენ ყველას, ვინც შემთხვევით აკრძალულ ზონაში შევიდოდა / აღმოჩნდებოდა; herd of cattle had strayed into the road გზააბნეული საქონლის ჯოგი შემთხვევით გზატკეცილზე გამოსულიყო;
2. 1) თემიდან გადახვევა (˂გადა˃უხვევს), სხვა საკითხზე გადასვლა / გადართვა (საუბრისას, მსჯელობისას); we seem to be straying from the main theme of the debate ვფიქრობ, დისკუსიის მთავარ თემას გადავუხვიეთ / ავცდით; sorry – I've strayed from the subject უკაცრავად, თემას გადავუხვიე; we're straying into ethnic issues here ჩვენ ახლა უკვე ეთნიკურ საკითხებზე გადავდივართ;
2) უნებლიეთ სხვა თემაზე ან საგანზე გადასვლა (გადავა), გაქცევა, "გადახტომა" (ითქმის ფიქრის, ყურადღების, მზერის და მისთ. შესახებ); her eyes strayed to the telephone ქალს თვალი / მზერა ტელეფონისკენ გაექცა; my mind kept straying back to our last talk together ჩემი გონება ისევ და ისევ ჩვენს ბოლო საუბარს უბრუნდებოდა; my thoughts strayed for a few moments რამდენიმე წამით ყურადღება გამეფანტა / გონება სხვა რამეზე გადამერთო.
Nearby words
